بوقالات نتمنى تعجبكم

من طرف **queen of love** 2010-06-10, 19:10

السلام عليكم
انوي واعقد وشوف بوقالتك واش تقول....................انوي وحدة من 1الى 10

1-العين نظرت في العين ودموعها سالوا سواقي,العقل راح من اللراس و القلب ما زالوا باقي.

2-يا شجرة الياسمين يا النابتة في الدارعروقك سكنجبير واعرافك زنجار العيون يشتاقوا والقلب شاعلة فيه النار.

3-عين الشمس تمسات و خلات الضباب وراها و انا عيني عيات معلقة في سماها هي رقدت وتهنات وانا قلبي ما نساها.

4-قدك عاجي و خدك زجاجي لقيت سيد الملاح في زنقة الماحي صوتك يا لالة ينحي الغبينة و يناجي.

5-الزين شحال زينة وعيونها عجبوني نتزوج بيها يا لوكان يقتلوني.

6-بنيان الطين لا تعليه يجي النهار ويطيح ساسو وولد الناس لا تربيه يكبر و يرجع لناسو.

7-زينة الشعور كحلة العيون انا نديها يا لوكان نخسر 100 مليون.

8-خارجة من الحمام وخدودها حمارو واللي يوريلي دارها ربي يعمرلوا داروا.

9-مكتوبي بعد بصح عينو ما تغيب عليا داير عساس على الباب باش واحد ما يطمع فيا وانا بعثتلو قلبي يحرسو ويخليه ليا.

10-زهرتي في الكاس كل ليلة بيها وناس كي نشوفها في منامي ما يضيق بيها حالي كي نشوفها في الصباح قلبي يرتاح نطلب ربي العالي يجيبها لداري.

من طرف **بلبلة الحياة** 2010-06-10, 21:28

من طرف **queen of love** 2010-06-11, 15:44

الله يسلمك مي ما قلتيلناش اي بوقالة نويتيها.

من طرف **ملاك القلب** 2010-06-11, 16:04

انا نويت هذي
-مكتوبي بعد بصح عينو ما تغيب عليا داير عساس على الباب باش واحد ما يطمع فيا وانا بعثتلو قلبي يحرسو ويخليه ليا.

بارك الله فيك اختي على البوقالات الرائعة

من طرف **هيبارا** 2010-06-16, 22:20

بارك الله فيكي اختي ملكة الحب

بوقالات نتمنى تعجبكم

بوقالات نتمنى تعجبكم

رد: بوقالات نتمنى تعجبكم

رد: بوقالات نتمنى تعجبكم

رد: بوقالات نتمنى تعجبكم

رد: بوقالات نتمنى تعجبكم